martes, 31 de agosto de 2010
domingo, 29 de agosto de 2010
Concurso de Logo
Xa estamos de volta!
A novidade desta fin de semana é a convocatoria do CONCURSO PARA O DESEÑO DO LOGO DA XINCABAI.
O tema: a Xincabai, que é unha mistura de diversión, mocidade, leria e moitas moitas risas coñecendo Baiona. O deseño gañador aparecerá nos cartéis e demáis publicidade da Xincabai, xunto ao nome d@ artista, que ademáis recibirá como agasallo unha fabulosa cámara de fotos dixital!
Para participar só tedes que enviar as vosas propostas do logo a enbaionarte@hotmail.es . Non esquezades incluir os vosos datos para poñernos en contacto con vós.
Tedes ata o 13 de setembro para deslumbrarnos coas vosas ideas, moito ánimo e a deseñar!!
viernes, 27 de agosto de 2010
Xa temos data!
Ola a tod@s!
Alegrámonos de anunciarvos que xa temos data para a gran xincana! Terá lugar en Baiona o próximo día 2 de outubro.
Nesa fin de semana enBaionArte invítavos a participar nunha xornada completa de diversión e troula onde tentaremos retar o teu inxenio, e nas que tod@s participaremos nunha actividade chea de sorpresas, premios e misterio.
Para participar só tedes que inscribirvos. Tedes dúas opcións moi sinxelas:
1. Enviando un mail co teu nome, idade e DNI a enbaionarte@hotmail.es
2. Próximamente tamén atoparedes nos vosos locais favoritos follas de inscrición.
A inscrición terá un custo simbólico de dous euros, e velaquí a primeira das sorpresas: entre tod@s os inscritos sortearemos as Wii que usaremos nunha das probas da Xincabai. Para proceder ó pago tedes tamén dúas opcións:
1. A través da conta de Caixanova 2080 0117 14 0040015418, especificando no concepto o voso nome, apelidos e DNI.
2. En calquera dos locais nos que vos podedes inscribir.
Comeza a conta atrás! Animádevos a participar e seguide atentos que pronto voltaremos con novidades!
jueves, 26 de agosto de 2010
enBaionArte
enBaionArte somos un grupo de rapaces e rapazas de entre 25 e 35 anos que decidiron unirse para por en marcha un proxecto xuvenil para a sua vila. Cremos que Baiona é un lugar excepcional para vivir, e con esta actividade enriqueceríase dalgunha maneira a oferta de ocio da mocidade baionesa.
Polo tanto, a Xincabai xorde do interese de ofrecer á mocidade da vila unha oferta de ocio feita á súa medida. Este evento será un punto de partida, unha presentación do noso grupo á que seguirán, xa como asociación cultural, outros proxectos e iniciativas nos que desexamos que participe a poboación baionesa. Xincabai é unha actividade didáctica ao mesmo tempo que lúdica, que consiste na combinación de probas deportivas e de coñecemento. Está pensada para moz@s de entre 18 e 35 anos, que participarán por equipos.
O fío condutor seremos a xuventude, creando unha Rede de Voluntarios que se encargarán de tódalas tarefas de planificación e documentación, porque Xincabai é un proxecto DA mocidade PARA a mocidade.
Haberá probas tanto deportivas (brilé, futbolín humano, minixincana de xogos populares, etc.) como de coñecemento, especialmente relacionadas co noso pobo e as nosas tradicions (baiquizz, búsqueda do tesouro, misión imposible, etc.)
Esperamos que a nosa iniciativa ilusione aos nosos veciñ@s tanto como a nos, e desde aquí convidámolos a involucrarse no proxecto. O éxito desta iniciativa será a participación de todas as persoas. Próximamente difundiremos mais información sobre o proxecto, a través deste blog, e da convocatoria dun concurso de ideas para o logo da Xincabai.
Un saúdo a tod@s
Polo tanto, a Xincabai xorde do interese de ofrecer á mocidade da vila unha oferta de ocio feita á súa medida. Este evento será un punto de partida, unha presentación do noso grupo á que seguirán, xa como asociación cultural, outros proxectos e iniciativas nos que desexamos que participe a poboación baionesa. Xincabai é unha actividade didáctica ao mesmo tempo que lúdica, que consiste na combinación de probas deportivas e de coñecemento. Está pensada para moz@s de entre 18 e 35 anos, que participarán por equipos.
O fío condutor seremos a xuventude, creando unha Rede de Voluntarios que se encargarán de tódalas tarefas de planificación e documentación, porque Xincabai é un proxecto DA mocidade PARA a mocidade.
Haberá probas tanto deportivas (brilé, futbolín humano, minixincana de xogos populares, etc.) como de coñecemento, especialmente relacionadas co noso pobo e as nosas tradicions (baiquizz, búsqueda do tesouro, misión imposible, etc.)
Esperamos que a nosa iniciativa ilusione aos nosos veciñ@s tanto como a nos, e desde aquí convidámolos a involucrarse no proxecto. O éxito desta iniciativa será a participación de todas as persoas. Próximamente difundiremos mais información sobre o proxecto, a través deste blog, e da convocatoria dun concurso de ideas para o logo da Xincabai.
Un saúdo a tod@s
Suscribirse a:
Entradas (Atom)